Las Reglas del Grupo

 

Saludos a todos amigos i miembros de Ladinokomunita.

Desde unos kuantos tiempos, tenemos munchos miembros muevos, lo ke mos aze alegrar muncho i mos da grande plazer. 

Para eyos, i para los miembros viejos tambien, pensamos ke es tiempo de eksplikar demuevo las reglas ke tenemos en este foro para eskrivir en el.  

Vos rogamos a todos, por favor, de sigyir estas reglas:

- Eskrivir en djudeoespanyol/ladino.

- Eskrivir segun las reglas de ortografia de Aki Yerushalayim (La tabela esta despues de mi mesaje, mas abasho.  Tambien notar mi lista de las mas emportantes letras de tener en tino ).

- En respondiendo a un mesaj, efasar (borrar) el mesaj orijinal (al kual estan respondiendo)*. Si no,  ampesar kon un muevo mesaj. Azer atension tambien el titolo del mesaj i trokarlo si es menester.

- Meter  vuestro nombre i la sivdad/el pais de ande bivish debasho de kada mesaj ke mos mandash.


Unas eksplikasiones mas sovre los moderadores, i sus rolos:

Semos 5 moderadores: Rachel Amado Bortnick (fondadora), Yehuda Hatsvi, Aldo Sevi, Guler Orgun i Moshe Gormez.


Kuando moderamos un mesaj, metemos muestra inisial (r/ y/ a/ g/ m) debasho.  Si no ay inisial, es ke no uvo menester (nesesidad) de moderar - o 
por yerro/error el mesaj "se fuyo"  sin moderar.

* (no. 3) Si mandash un mesaj djuntos kon el mesaj al kual estash respondiendo,  vash a remarkar ke no se publika el mesaj orijinal. Esto es porke los moderadores lo efasaron.  Por esto, si lo azesh vozotros,  ayudash a los moderadores. 

Los moderadores tambien korijan yerros.  Por esto, no tengash miedo de eskrivirmos mezmo kon errores (yerros). Verash ke el mesaj esta korijado kuando se publika, i si komparash lo ke eskrivitesh kon lo ke se publiko no vash azer el mezmo yerro otra vez.

  • I a esta okazion vos rogo a todos de ESKRIVIRMOS tambien.  Este es el foro de sus miembros.  Es VOZOTROS ke lo mantenesh.  Si vos akodrash de alguna dicha, una komida, keresh kontarmos sovre vuestra famiya, demandar alguna koza o lo ke sea - por favor ESKRIVIR a Ladinokomunita.  Ansina es ke mostramos i provamos ke keremos mantener muestra lingua i deshar un rekordo de muestra kultura i de muestras vidas.

    Por la ortografia (Es MAS FASIL i mas fonetika del espanyol kastilyano!) 

  • Las vokales son las mizmas del espanyol kastilyano

  • K se uza por todo lo ke tiene este sonido. (NO uzamos q,  c)

  • se uza por todo lo ke tiene este sonido (NO uzamos c, o la uzamos SOLO en forma de ch para el sonido de la ch en "leche" por egzemplo)

  • y se uza solo por su sonido  en yerva o aniyo o muy.

  • se uza por la konuksion "and" en inglez.
  • J tiene el sonido komo en fransez jour.

  • Uzamos dj para el sonido del j en inglez (komo en jump): endjuntos, djudio, djugar, ets.
  • B , V,  S, Z tienen sus sonidos  komo en inglez.
  •  se puede uzar solo por el sonido "gz" komo en "examen", "existir" , ma kuando tiene el sonido de ks, ke se eskrive kon ks  (taksa, ekspulsion, Meksiko, etc.) . En LK akseptamos tambien la digrafa "gz" kuando el biervo tiene este sonido.  
  • DIFTONGOS: En LK akseptamos  las dos maneras de eskrivir los diftongos kon i o y: bien - byen, preparasion-preparasyon, komio - komyo, ets. 

Komo vesh, muestras reglas son MUY lojikas!

Si tenesh alguna demanda sovre esto, podesh demandar kon un mesaj al foro.


Grasias por vuestra atension.  Dias buenos ke tengash todos.

Kon amistad,

Los moderadores


Last updated: